سجل دخولك باجمل بيت من الشعر يرجى التثبيت

السلام عليكم ورحمة الله وبركاتته

اخي العضو سجل دخولك الى المنتدى بكتابة بيت من الشعر لايصال المنتدى الى قمة الشهره والابداع وللتعبير عن مافي داخلك بواسطة قلمك

يرجى من الاداره التثبيت

تحياتي علي الركابي

:

لاتمسح دموعي شعندك وياهن

سولف غيرهن ذنّي افتهمناهن!

عله هذا الخذاك احچيلي يفهم بيك

واستوعب رموشك عرف معناهن؟

شلته ابينهن والچان بيهن طاح

ذبّيته الگبل بعيونه خلاّهن!!

چا من شلته منهن ماحسبت يموت

ذاك الگالك ماعيش لولاهن؟؟

البداك اعله روحه بلحظه تغدر بيه

البداك اعله روحه سنينه بدّاهن!

المهم سولفلي عن هذا الجديد شلون

من يشرب عيونك يسكر وياهن؟!

تهجّه حروف خدّك واللغه البشفاك

لو صعبن عليه ماگدر يقراهن؟؟

عله صدرك حظنته وسلّمت وياه

تبدّن بين اديه والشعر غطّاهن؟

يخجل مثلي لو كلّش تماده وياك

الماسوّيتهن ويّاك سوّاهن؟؟

سترت الذكريات بخانة النسيان

خو مافرّعن وانجاب طرواهن؟

خاف يشم عطر من عندي عالقمصان

شد عيونهن واغسل خطاياهن..

ماعاتب بعد شيفيد بيك اعتاب

المافادن گبل هسّه اترجاهن

تره هنّه الوفه والصدگ هم صعبات

يگدرهن ردي وغدّار حاشاهن

لاتسال شموعي شلون اخذهه الليل

مومسألة ليل فراگ طفّاهن..

السنابل هيچ من فارگهن الفلاّح

طيّح روسهن وتراب خلاهن

ولاتحسدني هنه البقن بس ضحكات

باچر ينتهن وتموت ذكراهن

مرّات الطيور يغنّن من الظيم

فك باب القفص دمعات تلگاهن..

عن ياهن احچيلك قسوتك فرگاك

بياهنّه ابتدي واختملك بياهن!

ماتذكر ابّابك من وگفت شلون

اسولف والجدام اتعارك وياهن

وشفت چفوفك اللوحن بالله وياك

هيچ بهالسهوله وگلبك انطاهن!

ماتن كل صورّك بيدي من رديت

وانه وصفنتي اصورّك رثيناهن

انه وجفني ادْمَنّه الدمع والليل

عشرة عمر ومن الصعب ننساهن

شرجعلك محطات الورود تموت

اذا شافن قطار النده اتعداهن..

ارجع والسنين وعمري المصلوب

وجروحك برگبة من خطاياهن؟!

گتلك كلشي اتحده القصور اطيح

وقصور المشاعر مااتحداهن..

انت بلاوعي وهدّمت بيه قصور

وانه بلاوعي وهدّمتك وياهن

صرت بلاوعي وهدّمتك وياهن

ِزعلتك صدك .. بس والله ما مقصــــود
شكلك شعتذرلك.. قصرت ويــــــــــــــاك

جرحتك يا ترف انه شكثر خــــجـــــلان
انت القدرت جرحـــــــي وعـــشت وياي
انت النشفت دمعي وصرتلي احضـــــان
انت الغيرتني ورجـــــعتلي الشـــــــوك
وانت الفتحت كلبك الي بســــــــتـــــان
زعلتك صدك .. بس والله ما مقصــــود
صح مني الغلط وانه اعترف غلطـــــان
صح نغلـــط نعم لكن نسامـــــــــح دوم
يضل طيب الكلب موجود بالوجــــدان
سامحني بكيانك من حنان البيـــــــــك
لا تضحك جذب وبداخلك زعـــــــلان
اجيتك اعتذرلك وانه ما معصـــــــوم
شسويله الغلط مكتوب ع الانســــــــان
الف اسف والف مره اعتذر كل يوم
ندمان شكثر يا خيبت الندمــــــــــان
ما استاهلك وانت مـَــلــَــك مخلوق
ما استاهلك وانت نبع ريحـــــــان
اخذ من عندي حقك اخذه خل ارتاح
وهاذ انه ابعدت ساكن بلايه اوطان
عذبني الضمير الماينام بليـــــــــل

ما اكدر اغمض واتركك زعـــلان
عمت عيني وجرحتك وانت حب اتفيض
يا قســــــــــوة كليبي الوجتك نيــــران
اكولن سر الك وارجوك لا تحجيه
( بجيت هواي انه الخاطرك يفلان )
بجيت وعيني مطرت والله زخ ادموع
مو عين اصبحت جنهه شهر نيسان
ما ريدك تسامح وانه ما معـــــذور
ولا املك عذر عذبني يا ســـلطان
بس اعرف احبك وانضر العيناك
بعد شلون انضرلك وانه الخجلان
اخذ من عندي حقك اخذه بلكي ارتاح
وهاذ انه ابعدت ساكن بلايه أ و ط ا ن

شكرا

» سجل دخولك بأبوذيه