الشاعر حمزه الحلفي

اسف مديت ايدي لبعض الاصحاب
ردت عون النفس مو عون الفلوس
الحمد لله بعدني بأحسن الحال
وبعد خيري تبده ويترس الطوس
صحيح انه طحت بس طيحة جبال
...طحت دايس انه ما طحت مديوس
حلاة المر يصير براحة البااااااال
ومرار الحلو يصفه بطخة الروس
تلاوه الريح ويه شراعي ما مال
وعلى چفوفي الونه دنك يبوس
خذتها مزامط ومو جلمه تنگال
وانه زماطي ثبت للعالم دروس
رغم گصري زدت بالموزم اميال
ولبست من المكابر احلى ملبوس
ذوبت الصخر حد ما صفه وسال
وگصيت الحديد بگصة الموس
خلك عندي يعادل خلك رحال
وصبر عندي يعادل صبر محبوس
انه الگلب ثابت شديته بحبال
وربطته ويه القميص بفرد دنبوس
رطب وتذوب روحي بهوى الموال
واضل اسهر عمر بس كاسي متروس
بعدني بروح خضره وروحي ما حال
وبعد وردي ندي وبالروح مغروس
صحيح انه نهر بس مايي شلال
حفر روحه بديه ما حفرته نفوس